ގޭތެރެއިން
އިވެމުންދަނީ އުފާވެރިކަމުގެ ހިނިތުންވުމާއި ލަވައިގެ އަޑެވެ. ދުވަހަކީ އައިޝްގެ
ހަޔާތައް އައި އެންމެ އުފާވެރި އެއްދުވަހޭ ބުނުމަކުން އެއީ ދޮގަކަށް ނުވާނެއެވެ.
އައިޝް ހުރީ އޭނާގެ ހަޔާތާމެދު އޭނާ ކުރި ފޮނި އުންމީދުތަކުގައި ކުލަޖެހެމުންދާ
މަންޒަރު ބަލާށެވެ. އުފަލުން ފޮޅިފައެވެ. ހިތާ ހިތުން މަތްﷲ ގެ މިންވަރުފުޅަށް
ޝުކުރުކުރާހާލުގައެވެ. އައިޝްގެ ކިޔެވުން ނިންމާލުމަށްފަހު 1990 ވަނަ އަހަރު ފެށި
އާކައިވެނީގެ އެ ހަޔާތް ބާއްޖަވެރި ވުމަށް އެދި އެކުވެރިން ގެ ބަސްތައް އިއްވަމުންދިއައެވެ.
އައިޝްގެ އުމުރުން
އަދި އެންމެ 18 އަހަރު ފުރުނީއެވެ. އާއިލާ އެންމެންގެ އެދުމުގެ މަތިން ދެމީހުން
ދަސްކުރުމަށް ދުވަސްތަކެއް ހޭދަކުރުމެއް ނެތި ހަޔާތުގެ ދަތުރުފެށީ އަމާން
އައްސޭރިއަކަށް ދިޔުމުގެ ނިޔަތުގައެވެ. ދިރިއުޅުމަކީ ކިހާ ވަރެއްގެ ކަމެއްކަން
އެނގުމެއް ނެތިއެވެ. ކައިވެންޏަށް މާގިނަ ދުވަސްތަކެއް ނުވަނީސް ދިރިއުޅުމުގައި
ކުލަޖެހި އިތުރު ފުރިހަމަކަމެއް ގެނެސްދިނީ އައިޝް އާއި އާތިފްގެ ލޯބި ލޯބި
ދަރިފުޅު ޔޫސުފް އެވެ.
އާއިލީ ޒިންމާ
އަދާކުރުމުގައި ދިމާވާ ދަތިތަށް ފޫބެއްދުމަށްޓަކައި، އައިޝް އަދާކުރަމުންދިޔަ ވަޒީފާ ދޫކޮށްލާ
އާތިފް ގެ އެދުމުގެމަތިން ދިރިއުޅުން ރަށަށް ބަދަލުކުރިއެވެ. 6 މަސްވީ ކުޑަ
ދަރިފުޅާއެކު އައިޝް ފިރިމީހާގެ ރަށަށް ބަދަލުވީ އުފާވެރި ދިރިއުޅުމެއްގެ
އުންމީދުގައެވެ.
ފިރިމީހާގެ ރަށަށް
ބޯޓު ލެފުމާއެކު އައިޝް ކެތްތެރިކަމެއްނެތި ގެއަށް ދިއުމަށް ތައްޔާރުވިއެވެ.
ކަނޑުމަގުން ކުރި 7 ދުވަހުގެ ދިގުދަތުރަކަށް ވުމުން ވަރުބަލިކަން
އިހުސާސްކުރެވުމާއެކު އަވަހަށް ފޭބުމަށެވެ. އާމާހައުލަކަށް، އާ އުންމީދު
ތަކަކާއެކު ދާތީ ވެސް މެއެވެ. ފިރިމީހާގެ އާއިލާ އަކީ ރަށުގެ ބޮޑެތި އާއިލާ ތަކުގެ ތެރެއިން ނަންކުރެވޭ
އާއިލާއެކެވެ. ފާލަންދޮށުން ގިނަ އަދަދެއްގެ
ބަޔަކު ފެންނަން ތިބުމުން އައިޝް އާތިފް އާ ސުވާލުކުރިއެވެ. އައިޝްމެން ބަލައި އައިސް
މަންމަމެން އެބަ ތިބިހެއްޔެވެ. އާތިފް ހިނިތުން ވެލާފާއި ބުންޏެވެ. މީ ސަޕްރައިޒްއެކެވެ. ގޭއެކަކުވެސް ނެތެވެ.
ހަވީރުގެ ވަގުތެވެ.
މަގުތަކުގައިވެސް މާގިނަ ބަޔަކުނެތެވެ. އާތިފް އޭނާގެ އާއިލާ ގޮވައިގެން
ގެއާދިމާލަށް މިސްރާބުޖެހީ ހިނގާފައެވެ. ފާލަމާ ގެ އެހާ ދުރު ނުވާނެކަމަށް
ބުނެފައެވެ. އައިޝް މެން ގެއަށް ދިއުމުން އާތިފްގެ މަންމަ އާއި ބައްޕަ އުފަލާއެކު
އައިޝް މެންނަށް މަރުހަބާކިއެވެ. އަދި ގޭގައި ހުރި ކޮޓަރިއެއްގައި ނިދުމުގެ
އިންތިޒާމުތަށް ހަމަޖައްސައިދިނެވެ.
V avahah mi story ge nunimi oi bai furihama kohdheynan
ReplyDeleteI never doubted the talent u have in expressing what u think and see and feel.....but this seems much better...wonderfully narrated. Pls do go on with this ingey...am with you. :)
ReplyDeleteThis comment has been removed by the author.
ReplyDeleteThanks for the faith that you have in my capabilities. Its with these inspiring words n the feelings of togetherness which brings that keeps me going. Hugs :)
ReplyDeleteIs it a real story or just fiction?
ReplyDeletegaimuves hingaa kankan meeves
ReplyDelete