ބަރަކާތް އިތުރު އެދިގެން ކުރޭ ހެޔޮހާ ޢަމަލު އޭމަގެ އަޙާ،
ބަނަވެވި ނުދާގޮތަކަށް ހަޔާތް އާރާސްތުކުރުމަށް މަގެ އަޙާ.
ސުލްހަވެ އެކީގައި ބަދަހިކޮށް ހީނަރުގުޅުންތަށް އޭއަޙާ،
ސުލްހަމަސްލަސްކަން އެގެނުއާ ގޭތެރޭގައި ވެސް އަޙާ.
ސުފުރާއެމަތި ޒީނަތްކުރަން ގިނަހޭދަތަށް ނުކުރޭ އަޙާ،
ސުރުހީ މައަޅަމޭ ވިސްނުމަށް މިކަމާމެދުގަ އޭމަގެ އަޙާ.
ބޭކާރު ކަމެކޭ ގިނަކުރުން ބާވަތް އިތުރު ލޮބުވެތި އަޙާ،
ބާކީ ނުވާނޭހެން ތަކެތި ބޭނުންކުރަން ވިސްނާ އަޙާ.
އިސްރާފު ކުރުމަށް ކާތަކެތި ހެދުމުން މެ ގެއްލުންވޭ އަޙާ،
އިސްކުރާށޭ އަމަލުތަށް ސީދާކުރުން މިމައްސަރުގައި އަޙާ.
ހައި ހޫނުކަން އިޙުސާސްކުރުމުން ކެތްކުރަން ދަސްވޭ އަޙާ،
ހައިނުކޮށް ކުރުމުން މެ އަޅުކަން ފާހިޝްކަމުން ދުރުވޭ އަޙާ.
މަގު އެ ދައްކާ ނަފްސު ޠާހިރު ކުރުވައޭ އޭމަގެ އަޙާ،
މަރުވަމުންދާ ނަފުސުވެސް ހޭލައްވައޭ މިކަމުން އަޙާ.
ޞަދަޤާތް އިތުރު ކުރުމީ މެމޮޅު ކަމެކޭ ކުރަން ބުނަމޭ އަޙާ،
ސާބިތުވެ ހުރެ ހެޔޮ އަމަލުތައް ގިނައިން ކުރަން ބުނަމޭ އަޙާ.
ރަމަޟާން އެމަސް ލައްވާފަވީ ދެއްވެވުމަށޭ ބަރަކާތް އަޙާ،
ރަމްޒީ ތަނެއް މީ ދުނިޔެއީ ބޭނުންހިފާ އަވަހަށް އަޙާ.
Oh....a very good poem Hawwa. Excellent.
ReplyDeleteSaid the true words with such grace to win hearts.
Love your work.
Wish you all the best in this field and in your personal life as well ingey. :)
Im glad you are my friend. :)