ހެޔޮ ދަރުމަ

ދުނިޔޭގެ ލައްޒަތު ހޯދުމަށް ކެރިހުރެ މަސައްކަތް ކުރިކަމަކު.

ދުނިޔޭގެ އެދުމަށް ހެއްލިގެން ގިނަ މަގު ތިމާ ދެން ކޮށިކަމަކު.

ލިބުމެއް ނުވޭ އެއްވެސް ކަމެއް ހިތުގައި އެދުންތައް އޮތްކަމަކު.

ލިބުމަށް އެދެވި ތެދު ނިޔަތުގައި ސާބިތުކަމާއެކު ހުރިކަމަކު.

ދެއްވުން އޮތީ މިންވަރުފުޅުން ހަމަޖެހިފަކަން ބުނަމޭ މިތާ.

ދެއްވާނުތޯ އެދިގެން ދުޢާ ކުރުމޭ އޮތީ ތެދުކޮށް ހިތާ.

ވަގުތެއް އޮވޭ ހަމަޖެހިވުމަށް އެދެވޭ ކަމަށް އަޅު ހަޟުރަތުން.

ވަގުތާއި ސާއަތުވެސް އޮތީ މަތިވެރިވިމާތް އަޅު ހަޟުރަތުން.

ދެއްވުން އެދޭ ހިނދު އަޅަމެނަށް ހެޔޮ ދަރުމަތައް ދެއްވާނެއޭ.

ދެއްވާނެ ނިޢުމަތުގައި ހިލާ އެކަކަށް އަތެއް ނޭޅޭނެއޭ.